新平台: 9月 2013

2013年9月29日星期日

晚飯

唉....好似好耐冇寫日誌啦 !
真快又一個星期

這個星期有幾晚都出了外食晚飯

這次去了大榮華食九大簋

雖似一些綽頭嘢

是一般家常小菜

但仍幾有水準, 幾好味

八個用碗盛載的餸

再加一條蒸烏頭魚

一桶白飯

看似好少嘢

但我地六個大男人

就幾經辛苦才食得晒....

另一晚上

和女兒去了食迴轉壽司

但坐落後

我地就叫魚生

多過拿面前經過的壽司

這些魚生都算幾好

不致淡而無味

另外有幾晚在家
又顧住去追劇
少了上網看 blog 友....
更少了上來寫
我真失敗

Sorry ....Sorry !!

2013年9月26日星期四

午餐食什麼 ?

午餐

平日返工
午餐多是在公司附近的茶餐廳
食碟頭飯攪掂

也有久不久會去快餐店食午餐

但有時都會一班同事去飲茶
炒粉麵飯再叫點心

飽唔飽唔緊要
因可以外出吃三點三下午茶

雖然
午間食飯時間都是一小時
但好多時一食完碟飯就回 office
關埋房門小休一陣
*
*
*
*
*
咁假日又如何解決午餐 ?

試過去麥記
買個煙肉蛋漢堡
便在麥記內坐足一個下午
一邊食包, 一邊等...或者看網絡中的電影囉

尤其是夏天
在冷氣開放的食店中
休息, 看書. 上網, 看電影......
這就是我最簡單不過的幸福, 享受 !

2013年9月24日星期二

隔空傳相

嘩...
相機越來越多功能

早前知到有相機增添 wifi 功能
可以一邊影相
一邊將相片傳回手機內
方便上載於網絡中讓人分享

有這內置 wifi 功能的相機當然好
但價錢一點也不平宜
而早已購有相機的我
就不能只為此功能而另買相機呢.

不過唔換相機

但可以換儲存咭

早前曾經在電腦用品店見過 Wifi SD Card

但當時算是新出品

我無信心用

也唔知傳送速度和成效是否真的可接受

所以無買

不過上月見電腦雜誌有介紹

和分析唔同品牌的 wifi SD 後

信心開始有點

加上見這類咭的價錢回落了

於是放膽買一片來試

發覺真的如說明書中所講

簡單易用

傳送相片速度都算快

可以由手機接收相片

也可以用電腦來收相

只要打開 SD咭的 wifi 功能

再登入一指定網頁版面

就全部相就出現在手機或電腦中

任揀來下載

而保安方便也需要登入密碼才可以連線

應該唔會是大問題

這樣就可以滿足到即影靚相後

立即傳相上去網絡的要求

爽呀 !!

2013年9月23日星期一

繼續食....

繼續食

上一篇將舊blog內的草稿搬了過來
試試搬, 發覺都幾麻煩.

無法啦,
原以為 yahoo 可以幫我地 "輕輕鬆鬆" 地搬家
但這功能只接待YBlog 指定的用戶.

我唔係這類戶口
咁就要自己動手搬

一邊搬就一邊繼續寫
繼續寫也繼續吃喝玩樂

今次同老友大人去了九龍城
一間冷冷清清的日本食店

先來一份四式厚切魚生

件件味美肉嫩

入口甘甜

食一件就流口水一件

真係唔想咁快吞落肚

食過魚生後

跟住再來一客 "鐵板蒜香燒牛肉"

牛肉入口即溶般

味濃肉質鬆軟

可惜的是香蒜片過燶, 味道麻麻

所以我地就只吃牛肉算了

食完牛肉,

又吃了一碟薄燒牛舌

配上燒汁和鮮蔥花

味道就剛剛好

牛舌冇羶味

而好有咬口的肉質

要慢慢嘴嚼

便食出牛肉的美味

最後

還多叫了一個海鮮炒飯

全晚

在

一個食客唔多的店子裡

輕輕鬆鬆閒談地

慢慢享受食物的美味

大樂也

2013年9月22日星期日

YBlog 未寫好的一篇 ! 我的時間與空間

時間與空間

我們會怎樣去理解這兩組字

早前在一網友處, 看到她提到 "維度" 這空間的形容詞
加上我平日都有看這本書 " 時間"

於是誘發我寫出我對空間的想法

空間的存在有幾個唔同層次 (維度)

空虛太極 - 什麼都無, 無空間, 無位置, 無時間, 無能量, 無生命

零度空間 - 在空虛中開始轉化成有能量, 存在於一點空間,
                    無位置, 無時間, 無生命

一維空間 - 能量不斷增加, 形成一條線狀, 開始有位罝, 有長度,
                  但仍無生命, 無時間 (不會單獨存在)

二維空間 - 能量不斷增加, 線狀的一維空間累積形成一個平面
                    空間, 有位置, 有長度有闊度, 但仍無生命, 無時間.
                    (不會單存獨在)

三維空間 - 能量不斷增加, 面狀的二維空間累疊成一個立體
                    空間, 有位置, 有長度, 有高度, 有闊度, 但仍無生命,
                    無時間.

四維空間 - 能量不斷累積, 在死寂的三維空間開始有時間,
                   孕育出有生命, 有位置, 有時間, 有實質空間.

此時所有生命在三維空間中活著, 就同時仍成了一個四維空間
不同的三維空間會孕育出唔同的生命(異形?), 便形成唔同的四維空間(天堂, 地獄 ?)

在唔同的三維空間裡之生命, 可唔可以互相穿梭和相會 ....?
這問題....就仍要努力去探求啦 !!