中西情人節..怎樣過?

今年西方情人節

和東方的元宵節

同是一日

雖是十九年一遇

但這天是星期五

可惜要返工呢...

放工後

我和老友大人沒有出外慶祝

平日多是老友大人煮飯

但這晚

我又攪攪花款

炒了個心型腸蛋奄列

不過老友大人問我

點解個蛋煎得咁燶 ?

我就答她....

這是 "濃"...

是愛意濃....

唔係燶...

煮日學 - 三餸一湯

放假日

又是我的煮日學

女兒回家食飯

咁就煮帶子

一人一隻

煎透後配上個燒汁茨

變成好易做燒汁帶子

晚飯都係有個湯似樣D

今次用豬骨煲南瓜

煲了三個小時

食飯前

炒香些洋蔥, 煮個忌廉湯種

再加入南瓜湯

便成了滑滑的南瓜忌廉湯

南乳上菜就更簡單

紹菜, 甘筍, 粉絲, 冬菇, 
用南乳煮就是

用XO醬醃好D豬頸肉

猛火炒至八成熟

加入青瓜一齊炒透後

埋一個XO醬茨

咁就又一個餸 !

炒幾炒, 幾下就攪掂三餸一湯

方便, 好味....!!  

一心一意, 跑出信念

農曆新年假期剛過

又是一年一度渣打馬拉松時候

近日天氣仍是好凍

這就是跑渣馬的一個挑戰

今年有些特別

這件戰衣上的號碼

好有意思

一心一意

跑出信念

跑了多年

由第一年跑80幾分鐘

到去年用約72分鐘完成

一年比一年時間都快了三兩分鐘

跑出信念

真的已形成了

十公里

我會努力

心型 Pancake

 

大家見到的心型 Pancake

靚唔靚 ?

 

雖然中西情人節快到

但這不是情人節禮物

 

而是上個月, 我女兒的生日禮物

 

(我夠晒慳儉呢....!)

 

 

自從女兒入住了宿舍

星期一至六都多不在家

只有星期天才可一齊食早餐或下午茶

 

今年女兒生日正日

佢有節目而

而我也撞正公司 Annual Dinner

 

 

咁就早一晚,

一家人去酒店食自助餐慶祝

 

今次揀這間酒店的自助餐

不是因主菜

 

而是這裡的甜品夠多, 夠精緻

當然也是好味

 

這幅相是女兒影的

 

早前我也想影, 但好多馬卡龍都已被食客取走,

有太多空位, 我才無影.

 

但當女兒取出手機, 又想影時

酒店的廚師就主動說:

"等一等, 讓他們補充滿番D馬卡龍, "

" 才影就靚靚 !"

 

 

 

唉..... 女仔影相真的多 D 著數...!!

分享花開富貴

農曆新年

總離不開有好多花的擺設, 花卉盆栽

今年天氣好似持續凍了很久

天氣凍對好多年花都有影響

但對梅花就不同,

梅花不怕寒風, 越凍越好....

含苞待開

白裡透紅

真係好美

花開花落

總之花開富貴

恭賀新禧

馬年到啦...

恭祝大家

身體健康

事事如意

大吉大利

馬到功成

生活無憂

放假無外出

和老友大人在家

食得好簡單

清清淡淡又一餐

帶子蒸翠玉瓜

 

 

麵醬蒸茄子

 

兩樣都是清蒸

方便簡單

..

.

.

 

.

.

哈哈

 

我愛戰勝者

唉....好似好耐冇寫 blog !

 

天氣凍,  無心機坐在電腦前

 

加上

唔知點解早前在這裡

上載唔到相片,

傳過好多次都唔得.

 

*************************************

 

去年底

在一個清早

我又去了沿梧桐河畔散步

即是晨運.....

 

俾我留意到有雀鳥在樹上爭地盤

 

 

有雀鳥先挑釁

 

 

被滋擾的雀就作出反擊

 

入侵者似有退縮

 

走回樹的另一邊,  避一避

 

勝者為王當然威威

 

 

還要引聲高吭.....以示主權 

 

 你看....

牠幾有風範

幾有自豪感

 

 

我都想做勝利的一隻王者 !

 

 

新年快樂

2013 年已平平淡淡地過了
2014 年, 我歡迎妳...

當在 2013年 跨越 2014年時
就是 13 ...14,  音便 一生一世.

當時我在做什麼呢...??



我和家人一齊在尖東跟人倒數
沾染一些旺氣
感受下熱鬧的氣氛
見証維港上空璀璨的煙花匯演
迎接光芒金射的新一年

 

 

 

 

祝願大家都能和家人, 愛人,

 

一生一世

幸福快樂

身體健康

 

 

一篋錢?

大家先看看這一幅相...............

 

有什麼特別 ?

 

有個男人背著一個袋...

有個男人推著一個篋...

 

本來好平常的事

 

 

但這裡是馬場內的地方

是往沙圈看出賽馬的通道.....

 

咁我就估篋內的是什麼呢....?

 

這天我和幾個同事入場

因為有免費的入場門票

(連入場$10的錢都慳番)

 

看賽馬

真係好剌激

 

但就可能付出好大的代價

 

不過

我就有些收獲

 

哈哈

就是這些啦...........

 

 

兩頂 "帽"

 

真開心哩............!!